ஆன்டி-ஆக்ஸிடன்ட் ஆன்டி-ஆக்ஸிடன்ட்கள் என்பது ஒரு இரசாயனக் கலவைகள். இவை உடலில் உள்ள மாசுக்களை வெளியேற்ற உதவும். இந்த மாசுக்கள் உடலில் இருந்தால், உடலில் நோய்கள் வந்து தங்கிவிடும். எனவே உடலைத் தூய்மைப் படுத்தி பாதுகாப்பதில் ஆன்டி-ஆக்ஸிடன்ட்கள் முக்கிய பங்கினை வகிக்கின்றன. இத்தகைய ஆன்டி-ஆக்ஸிடன்ட்கள் நிறைய உணவுகளில் உள்ளன. அதிலும் ஆன்டி-ஆக்ஸிடன்ட்கள் என்பன கரோட்டினாய்டுகள், ஃப்ளேவோனாய்டுகள், மெலடோனின், வைட்டமின்களில் ஏ, சி, ஈ, பைட்டோ கெமிக்கல்களான பீட்டா-கரோட்டீன் மற்றும் லைகோபைன் மற்றும் தாது சத்துக்களான செலீனியம் மற்றும் ஜிங்கு போன்றவை. இவை அனைத்து உடலில் போதிய அளவு இருந்தால், உடலில் உள்ள ரேடிக்கல்கள், கழிவுகளாக மாற்றப்பட்டு, மலம் மற்றும் சிறுநீர் வழியே வெளியேற்றப்படும். எனவே தான், ஆன்டி-ஆக்ஸிடன்ட்கள் உடலில் முக்கியமாக தேவைப்படுகிறது. எனவே ஆன்டி-ஆக்ஸிடன்ட்கள் அதிகம் உள்ள உணவுகளான காய்கறிகள் மற்றும் பழங்களை அதிகம் சாப்பிட வேண்டியுள்ளது. இந்த உணவுகளை சரியான அளவில் சாப்பிட்டு வந்தால், உடலில் உள்ள கழிவுகள் வெளியேறுவதோடு, சருமமும் அழகாக மின்னும். அதுமட்டுமின்றி, ஆன்டி-ஆக்ஸிடன்ட்கள், டைப்-2 நீரிழிவு, புற்றுநோய் மற்றும் இதய நோய் போன்றவற்றை தடுக்கவும் பெரிதும் உதவுகிறது. இப்போது அந்த ஆன்டி-ஆக்ஸிடன்ட் நிறைந்த காய்கறிகள் மற்றும் பழங்களைப் பார்ப்போமா! கிவி வைட்டமின் சி அதிகம் உள்ள மற்ற பழங்களைப் போன்றே, கிவிப் பழத்திலும் ஆன்டி-ஆக்ஸிடன்ட்கள் அதிகம் உள்ளது. பரட்டைக்கீரை இந்த பச்சை இலை காய்கறியில் பாலிஃபீனோலிக் ஃப்ளேவனாய்டு என்னும் ஆன்டி-ஆக்ஸிடன்ட் அதிகம் இருப்பதால், புற்றுநோய் மற்றும் இதய நோய் உண்டாவது தடுக்கப்படும். பசலைக் கீரை கீரைகளில் பொதுவாக ஆன்டி-ஆக்ஸிடன்ட்கள் அதிகம் இருக்கும். குறிப்பாக பசலைக் கீரையில் லுடீன் (lutein), ஸீக்ஸாக்தைன் (zeaxanthin) என்னும் கரோட்டினாய்டு ஆன்டி-ஆக்ஸிடன்ட்கள் இருப்பதால், இது மூளையில் ஏற்படும் பிரச்சனைகளை தடுக்கும். அவகோட அதிலும் அல்சீமியர் நோய் அவகேடோ அவகேடோவில் வைட்டமின் ஏ, சி மற்றும் ஈ அதிகம் இருப்பதால், இதனை சாப்பிட்டால் உடல் ஆரோக்கியமாக இருப்பதோடு, பொலிவோடு இருக்கும். களைக்கோசு இதில் பைட்டோ கெமிக்கல் அதிகம் இருப்பதோடு, உடலுக்குத் தேவையான நார்ச்சத்துக்கள், வைட்டமின்கள் மற்றும் தாதுச்சத்துக்கள் அதிகம் உள்ளது. பீட்ரூட் பூட்ரூட்டில் வைட்டமின்கள், புரோட்டீன்கள் மற்றும் தாதுக்கள் அதிகம் இருப்பதால், இதனை சாப்பிட்டால், உடல் ஆரோக்கியமாக இருப்பதோடு, நன்கு பிட்டாகவும் இருக்கும். மேலும் இரத்த ஓட்டத்தை அதிகரிக்கும். எனவே இந்த ஆன்டி-ஆக்ஸிடன்ட் அதிகம் உள்ள உணவை உணவில் சேர்த்துக் கொள்ளுங்கள். ப்ராக்கோலி மற்ற பச்சை இலைக் காய்கறிகளைப் போன்றே, ப்ராக்கோலியிலும் ஆன்டி-ஆக்ஸிடன்ட்கள் அதிகம் உள்ளன. இதில் உள்ள பைட்டோ நியூட்ரியன்ட்ஸ் உடலில் உள்ள கழிவுகளை வெளியேற்றவும் மற்றும் பல நோய்களை எதிர்த்துப் போராடவும் சிறந்ததாக உள்ளது. ஆப்பிள் தினமும் ஒரு ஆப்பிள் சாப்பிட்டால், உடலுக்கு நல்லது என்று மருத்துவர்கள் கூறுவார்கள். ஏனெனில் இந்த ஆப்பிளிலும் நிறைய ஆன்டி-ஆக்ஸிடன்ட்கள் உள்ளன. பூண்டு பூண்டில் ஆன்டி பயாடிக் பொருள் அதிகம் உள்ளது. அதே சமயம் ஆன்டி-ஆக்ஸிடன்ட்களான வைட்டமின் ஏ, பி மற்றும் சி, செலீனியம், இரும்புச்சத்து, ஜிங்க் போன்றவையும் அதிகம் இருப்பதால், இதனை சாப்பிடும் போது உடலில் உள்ள இரத்த அழுத்தம் குறைகிறது. குடைமிளகாய் குடைமிளகாயில் கரோட்டினாய்டுகள் மற்றும் வைட்டமின் சி என்னும் ஆன்டி ஆக்ஸிடன்ட் உள்ளது. எனவே எந்த வகையான குடைமிளகாயையும் உணவில் சேர்த்துக் கொள்ளலாம். ஆரஞ்சு சிட்ரஸ் பழங்களில் ஒன்றான ஆரஞ்சுப் பழத்தில் வைட்டமின் சி, ஏ, ஃப்ளேவோனாய்டுகள் மற்றும் பீட்டா கரோட்டீன் இருக்கிறது. ஆகவே இந்த பழத்தை அதிகம் சாப்பிடுவது நல்லது. பீன்ஸ் அனைத்து வகையான பீன்ஸிலும் ஆன்டி-ஆக்ஸிடன்ட் அதிகம் உள்ளது. ஆகவே இதனை உணவில் அவ்வப்போது சேர்த்து கொள்வது சிறந்ததாக இருக்கும். பெர்ரிப் பழங்கள் பெர்ரிப் பழங்களான ஸ்ட்ராபெர்ரி, செர்ரி, ப்ளூபெர்ரி, ராஸ்பெர்ரி போன்றவற்றில் புரோட்டீன், வைட்டமின் மற்றும இதர ஆன்டி-ஆக்ஸிடன்ட்கள் உள்ளன. இவை உடலில் உள்ள கொழுப்புக்களை கரைப்பதோடு, தேவையற்ற கழிவுகளையும் வெளியேற்றிவிடும். மாதுளை சுவை மிகுந்த பழமான மாதுளையிலும் ஆன்டி-ஆக்ஸிடன்ட்கள் அதிகம் உள்ளது. எனவே தினமும் ஒரு பழம் சாப்பிட்டு வருவது நல்லது. தக்காளி தக்காளியில் லைகோபைன் என்னும் ஆன்டி-ஆக்ஸிடன்ட்கள் இருப்பதால், அது உடலைத் தாக்கும் கிருமிகளை அழிக்க வல்லது. அதுமட்டுமின்றி, இதனை சாப்பிட்டால், உடலில் கொழுப்புக்கள் சேர்வதைத் தடுத்து, உடல் எடையை குறைக்கலாம். Green tea உலக அளவில் க்ரீன் டீ மிகவும் புகழ்பெற்ற ஒன்று இந்த அளவிற்கு அப்படி இந்த க்ரீன் டீயில் என்ன இருக்கிறது என்று நீங்கள் யோசிக்கலாம். உண்மையில் க்ரீன் டீயில் தான் அதிகமான ஆன்டி ஆக்ஸிடன்கள் நிறைந்துள்ளன. அதுமட்டுமல்லாமல் நீங்கள் வெறுமனே தேநீர் குடிக்கும் போது அதில் காஃபைன் அதிகமாக இருக்க வாய்ப்பு உள்ளது. ஆனால் க்ரீன் டீயில் காஃபைன் அளவு குறைவு. நீங்கள் க்ரீன் டீயை குடித்து வரும் போது உங்க இரத்தத்தில் ஆன்டி ஆக்ஸிடன்கள் அளவு அதிகமாகிறது. அறிவோம் க்ரீன் டீ என்றால் என்ன பிளாக் டீயை ஒப்பிடும் போது க்ரீன் டீ தேயிலை இலைகள் குறைந்த ஆக்ஸினேற்ற செயல்முறைக்கு உட்படுத்தப்படுகின்றன. இதனால் அந்த இலைகளின் இயற்கையான பண்புகள் தக்க வைக்கப்படுகிறது. ஆனால் பிளாக் டீயை பொருத்து வரை இலைகள் முழுமையாக ஆக்ஸினேற்றம் செய்யப்படுகிறது. க்ரீன் டீ இலைகளில் எபிகல்லோகாடெசின் கேலேட் (ஈ.ஜி.சி.ஜி) என்ற பண்பு உள்ளது. இது நம் வளர்ச்சிதை மாற்றத்தை அதிகரித்து எடை இழப்புக்கு உதவுகிறது. இது கொழுப்பை எரிக்க உதவுகிறது. இந்த இலைகளில் காணப்படும் கேடசின்கள் உடலில் இருந்து நச்சுக்களை வெளியேற்ற உதவுகிறது. அதுமட்டுமல்லாமல் காபியை விட ஒரு கப் க்ரீன் டீயில் கால் பங்கு அளவிற்கு காஃபைன் உள்ளது. காஃபைனும் எடை இழப்புக்கு மிக அவசியமான ஒன்று. க்ரீன் டீ குடித்து வந்தால் உங்க உடற்பயிற்சி செயல்திறன் அதிகமாகவும், கொழுப்பை நன்றாக எரிக்கவும் முடியும். க்ரீன் டீ நம் உடலில் உள்ள கொழுப்பை எரிப்பதற்கு முதலில் அந்த கொழுப்பை உடைக்க வேண்டும். எனவே இந்த வேலையை செய்ய க்ரீன் டீயில் உள்ள சேர்மங்கள் நோர்பைன்ப்ரைன் (நோராட்ரெனலின்) போன்ற கொழுப்பை எரிக்கும் ஹார்மோன்களின் அளவை அதிகரிக்கிறது. இது நம் உடலில் சுரக்கும் என்சைம்யை தடுத்து நோர்பைன்ப்ரைன் அளவை அதிகரித்து கொழுப்பை உடைக்கிறது. அப்படியே உங்க கொழுப்பு செல்கள் கொழுப்பை உடைக்கும் வேலையை செய்கிறது. பிறகு இவை இரத்த ஓட்டத்தில் கலந்து தசை செல்களுக்கு உடலுக்கு ஆற்றலாக பயன்படுத்தப்படுகிறது. உடல் ஆரோக்கியத்துக்கு பாதிப்பை ஏற்படுத்துகிறது என்ற காரணத்தால் டீ , காபி அருந்தும் நீண்ட கால பழக்கத்தையே பலரும் தவிர்த்து விட்டனர். சிலர் அதன் தொடர்ச்சியாக 'கிரின் டீ' போன்ற பானங்களை அருந்துவதை வழக்கமாக கொண்டுள்ளனர். உடல் எடையைச் சீராக வைத்து கொள்ள 'கிரின் டீ' உதவி புரிவதாக ஆராய்ச்சியாளர்கள் கருதுகின்றனர். Blue Tea சங்கு பூ டீ சங்கு பூ தேநீரார அந்தும்போது நமது உடலில் மற்றும் மனநிலைகளில் பெரும் நன்மைகள் உள்ளன! உடல் நோய்களான புற்றுநோய் ! சர்க்கரை நோய் ! கல்லீரல் நோய்களை விரட்டி அடிக்கும் சங்கு பூ டீ மிக வல்லமைபடைத்தது!! தினமும் காலையில் பருகுவதால் உடலில் உள்ள தேவையற்ற கழிவுகள் வெளியேற்றப்பட்டு, புத்துணர்ச்சி ஏற்படுவதாகவும் அவர்கள் குறிப்பிட்டுள்ளார்கள். அதில் உள்ள ஆன்டி-ஆக்ஸிடன்ட் உடலில் கெட்ட கொழுப்பு சேர்வதைத் தடுக்கிறது. அதேபோல இயற்கை ஆர்வலர்களால் குறிப்பிடப்படும் இன்னொரு வகை 'புளூ டீ ' (Blue Tea) ஆகும். அதன் பெயருக்கான காரணம், நீல நிற சங்குப் பூவின் (Blue Pea Flower) மூலம் தயாரிக்கப்படுவதாகும். புளூ டீ -யின் மருத்துவ பயன்கள் :- Blue Tea Benefits :- ஒவ்வொரு பூவுக்கும் குறிப்பிட்ட மருத்துவக் குணம் இருக்கிறது. அதன் அடிப்படையில், பல்வேறு மருத்துவ குணங்களை கொண்ட நீல நிற சங்குப் பூ (Sangu Poo) கொண்டு தயாரிக்கப் படும் 'புளூ டீ' உடல் நலனுக்கு ஏற்றதாக சொல்லப்படுகிறது. அதில் 'ஆன்டி கிளைகோஜன்' இருப்பதால் வயது முதிர்வை தடுத்து, இளமையைப் பாதுகாத்துக் கொள்ளலாம் என்ற கருத்தும் நிலவுகிறது. தலையின் மேற்பாகத்தில் அமைந்துள்ள நுண் துளைகளில் ரத்த ஓட்டத்தை சீராக்கி முடி வளர்ச்சியை தூண்டக் கூடியது Blue Pea Flower. உடலில் சேர்ந்துள்ள நச்சுக்களை நீக்கி கல்லீரலை பாதுகாக்கிறது. நீரிழிவு நோயாளிகளின் உடலில் சர்க்கரை அளவை சீராகப் பராமரிக்க உதவுவதாகவும் ஆராய்ச்சிகளில் தெரிவிக்கப்பட்டுள்ளது. புளூ டீயில்' (Blue Tea) இருக்கும் 'ஃப்ளேவனாய்ட்ஸ்' என்ற ரசாயனம் புற்று நோயை உருவாக்கக்கூடிய செல்களை அழிக்கிறதாம். அத்துடன், உடலில் நோய் எதிர்ப்பு சக்தியை அதிகரித்து, தொற்றுக்களிலிருந்தும் பாதுகாப்பதாக சொல்லப்பட்டுள்ளது. கொழுப்பு நிறைந்த உணவு வகைகளைச் சாப்பிடும் பழக்கம் காரணமாக எடை அதிகமாக உள்ள வர்களுக்கு 'புரூ டீ ' (Butterfly Tea) பெரிதும் உதவியாக இருக்கிறது. தேவையற்ற கொழுப்பை கரைத்து வெளியேற்றும் ஆற்றல் அதற்கு உண்டு. வேலைப்பளுவின் காரணமாக உரிய நேரத்திற்குச் சரியாக சாப்பிட முடியாமல் இருப்பவர்களுக்கு நாளடைவில் குடற்புண் பாதிப்பு ஏற்பட்டு விடலாம். அவர்களுக்கு பயன் அளிக்கக்கூடிய பானமாக 'புளூ டீ' (Blue Butterfly Pea Tea) உள்ளது. மேலும், Blue Pea Flower அஜீரணத்தை குணமாக்குவதுடன். வயிற்றில் உண்டாகும் எரிச்சலையும் தடுக்கிறது. அதுமட்டுமல்லாமல் உடலின் வெப்ப நிலையைச் சீராக வைத்துக் கொள்ளவும் துணை புரிகிறது. உடல் வெப்பம் சீரற்ற நிலையில் இருப்பவர்கள் எந்த ஒரு விஷயத்தையும் சுறுசுறுப்பாக செய்ய இயலாது. குறிப்பாக, 'புளூ டீ' (Pea Tea) அருந்துவதால் ஏற்படும் நன்மைகளில் முக்கியமானது, மன அழுத்தத்தைகட்டுபடுத்துகின்றது அதை தவிர்க்க பெரிதாக உதவுகின்றது! 'புளூ டீ ' தயாரிப்பது எப்படி :- How to Make Blue Tea :- கொதிக்க வைத்த தண்ணீரில் சில சங்குப் பூக்களை (Butterfly Pea) போட்டு, 5 நிமிடம் கழித்தவுடன் இறக்கி வடிகட்டிக்கொள்ள வேண்டும். அதில் எலுமிச்சைச் சாறு சில சொட்டுகள் விட்டு, தேவையான அளவு சுத்தமான தேன் சேர்த்து சூடாகவோ அல்லது குளிர்ச்சியாகவோ பருகலாம். முக்கிய குறிப்பு :- கர்ப்பிணிகள், பாலூட்டும் தாய்மார்கள், சிகிச்சை பெறும் நோயாளிகள் ஆகியோர் கட்டாயம் தரும் மருத்துவ ஆலோசனையின்றி 'புளு டீ' (Butterfly Tea) அருந்தக்கூடாது. முஹமது பஷீர் k.